පින්වත් මහණෙනි, නුවණැත්තන් විසින් පණවන ලද සත්පුරුෂයන් විසින් පණවන ලද කාරණා තුනක් තියෙනවා. ඒ තුන මොනවාද? පින්වත් මහණෙනි, දානය යනු නුවණැත්තන් විසින් පණවපු දෙයක්. සත්පුරුෂයන් විසින් පණවපු දෙයක්. පින්වත් මහණෙනි, පැවිදි බව යනු නුවණැත්තන් විසින් පණවපු දෙයක්. සත්පුරුෂයන් විසින් පණවපු දෙයක්. පින්වත් මහණෙනි, මව්පියන්ට උපස්ථාන කිරීම යනු නුවණැත්තන් විසින් පණවපු දෙයක්. සත්පුරුෂයන් විසින් පණවපු දෙයක්. පින්වත් මහණෙනි, මේ තමයි නුවණැත්තන් විසින් පණවන ලද, සත්පුරුෂයන් විසින් පණවන ලද කාරණා තුන.
ශාන්ත වූ බ්‍රහ්මචාරී උතුමන්ට දන් දීම, මව්පිය උපස්ථානයද, අවිහිංසාවද, සීල සංයමයද, ඉන්ද්‍රිය සංවරයද, පණවන ලද්දේ සත්පුරුෂයන් විසිනුයි.
නුවණැත්තා මේ කරුණුවලින් යුතු සත්පුරුෂයාව සේවනය කළ යුතුයි. එවිට ඒ ජීවිතාවබෝධයෙන් යුතු ආර්ය ශ්‍රාවකයා සුන්දර ලෝකයක් භජනය කරයි.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/an1_3-1-5-5/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M