සැවැත් නුවර දී ය …..
මහණෙනි, සය කරුණකින් සමන්විත වූ භික්ෂුව මෙලොවදී ම පීඩා සහිත ව, තැවිලි සහිත ව, දැවිලි සහිත ව දුක සේ වාසය කරයි. කය බිඳී මරණින් මතු දුගතිය කැමති විය යුත්තේ ය. ඒ කවර කරුණු සයකින් ද යත්;
කාම විතර්කයෙනි, ව්‍යාපාද විතර්කයෙනි, විහිංසා විතර්කයෙනි, කාම සංඥාවෙනි, ව්‍යාපාද සංඥාවෙනි, විහිංසා සංඥාවෙනි.
මහණෙනි, මේ සය කරුණෙන් සමන්විත වූ භික්ෂුව මෙලොවදී ම පීඩා සහිත ව, තැවිලි සහිත ව, දැවිලි සහිත ව දුක සේ වාසය කරයි. කය බිඳී මරණින් මතු දුගතිය කැමති විය යුත්තේ ය.
මහණෙනි, සය කරුණකින් සමන්විත වූ භික්ෂුව මෙලොවදී ම පීඩා රහිත ව, තැවිලි රහිත ව, දැවිලි රහිත ව සැප සේ වාසය කරයි. කය බිඳී මරණින් මතු සුගතිය කැමති විය යුත්තේ ය. ඒ කවර කරුණු සයකින් ද යත්;
නෙක්ඛම්ම විතර්කයෙනි, අව්‍යාපාද විතර්කයෙනි, අවිහිංසා විතර්කයෙනි, නෙක්ඛම්ම සංඥාවෙනි, අව්‍යාපාද සංඥාවෙනි, අවිහිංසා සංඥාවෙනි.
මහණෙනි, මේ සය කරුණෙන් සමන්විත වූ භික්ෂුව මෙලොවදී ම පීඩා රහිත ව, තැවිලි රහිත ව, දැවිලි රහිත ව සැප සේ වාසය කරයි. කය බිඳී මරණින් මතු සුගතිය කැමති විය යුත්තේ ය.
සාදු! සාදු!! සාදු!!!
දුක්ඛ සූත්‍රය නිමා විය.
ධර්මදානය උදෙසා පාලි සහ සිංහල අන්තර්ගතය උපුටා ගැනීම https://mahamevnawa.lk/sutta/an4_6-2-3-1/ වෙබ් පිටුවෙනි.
Ver.1.40 - Last Updated On 26-SEP-2020 At 03:14 P.M